Benvido a un congreso diferente

Congreso participativo

A política europea e internacional, a miúdo percibida como un escenario dominado por guerras, conflitos e decisións de líderes mundiais, é en realidade un armazón moito máis amplo e complexo. Máis aló destas dinámicas evidentes, as cuestións internacionais abarcan investimentos estratéxicos, proxectos de cooperación, acordos multilaterais, políticas económicas, e decisións climáticas que impactan profundamente nas sociedades. A outra escala, as dinámicas territoriais a nivel urbano ou rural en Europa e o mundo deben ser a base das novas estratexias e políticas nacionais e internacionais buscando desenvolver políticas globais baseadas en escalas máis próximas á cidadanía contando coa súa participación plena nestes eventos.

xeopolítica e inclusión

Este enfoque integral resalta que as relacións entre nacións non só determínanse en encontros diplomáticos ou campos de batalla, senón tamén nos compromisos diarios con temas como a xustiza social, o desenvolvemento sostible e a inclusión. Neste senso, a diversidade, a inclusión e a sustentabilidade non deben ser concibidas como apéndices ao final das estratexias europeas e internacionais, senón como eixos fundamentais que definan o deseño e a implementación destas políticas. Só con este enfoque transformador será posible construír un sistema europeo e global que sexa verdadeiramente equitativo, resiliente e capaz de responder ós desafíos do século XXI.

Unha iniciativa co-creativa

Un aspecto esencial para alcanzar esta transformación é a participación cidadá e social, que debe posicionarse como o núcleo de calquera estratexia europea e global. As dinámicas internacionais non poden estar desligadas das realidades locais e das voces de quen habita as comunidades afectadas por estas decisións. A investigación co-creativa e participativa garante que as políticas reflictan as necesidades reais das persoas, fomentando un sentido de corresponsabilidade e compromiso global. Involucrar aos centros de investigación a cidadáns, organizacións sociais e actores locais nos debates europeos e internacionais non só fortalece a lexitimidade das políticas, senón que tamén asegura que as solucións sexan inclusivas, prácticas e sostibles.

Xeopolítica e inclusión para un mundo máis resiliente

Nun mundo cada vez máis interconectado e complexo, a intersección entre xeopolítica e diversidade preséntase como un tema central para comprender os desafíos e oportunidades da nosa era. A xeopolítica, como disciplina que analiza as dinámicas de poder entre nacións e rexións, non pode desvincularse das realidades sociais que definen ás poboacións que as habitan. As cuestións de diversidade –como os dereitos das persoas con discapacidade, as perspectivas de xénero, as experiencias dos refuxiados e as loitas pola xustiza racial– entrelázanse profundamente cos fenómenos globais, desde a migración e os conflitos ata as políticas económicas e climáticas. Este congreso busca abrir un espazo para explorar como estes dous enfoques poden complementarse e enriquecerse mutuamente na procura de solucións inclusivas e sostibles.

Obxectivos

A nosa misión compartida

Construír un mundo máis inclusivo, sostible e diverso non é só un obxectivo, senón un compromiso activo. A través da ciencia, da participación cidadá e da cooperación internacional, aspiramos a xerar un impacto transformador nos territorios e nas sociedades que os habitan.

De onde vimos

Experiencias previas

Este congreso xorde como unha evolución natural de iniciativas exitosas desenvolvidas previamente entre os seus membros, desde pequenas accións ata grandes proxectos de investigación europeos e internacionais.

O noso factor diferencial

O elemento que distingue ao noso congreso é a participación real da sociedade no proceso científico e académico. Cremos nun modelo innovador de investigación colaborativa que traspasa as liñas tradicionais deste tipo de iniciativas. O noso traballo estrutúrase nun proceso co-creativo que:

Os nosos principios fundamentais

Estas son as palabras que nos dan sentido e forman a columna vertebral da nosa iniciativa:

A nosa análise céntrase sempre no territorio, entendido como o espazo vivido e habitado por sociedades que aspiran a ser máis diversas, inclusivas e sostibles. Nesta visión, a ciencia e a investigación non son alleas aos problemas sociais, senón que se converten en axentes activos de cambio.